(23/11/2012)
Miras entregou a Medalla de Ouro da Emigración ao Fogar Elías Romeu e ao de Domselaar
AFIRMOU EN BOS AIRES QUE "É UN RECOÑECEMENTO" A TRAXECTORIA DE AMBAS AS RESIDENCIAS PARA MAIORES
Mariana Ruiz, Bos Aire -Crónicas da Emigración
23 Novembro 2012
Un momento da entrega das medallas.
O director xeral de Migracións do Ministerio de Emprego e Seguridade Social, Aurelio Miras Portugal, entregou a Medalla de Ouro da Emigración ao Fogar Galego para Anciáns de Domselaar e Fogar Elías Romeu do Hospital Español de Bos Aires.
A resolución, que leva firma da ministra de Emprego e Seguridade Social de España, Fátima Báñez, destaca o espírito solidario que impulsa a estas dúas institucións no desenvolvemento de actividades de beneficencia, sanidade e de recollemento e amparo aos máis necesitados e destaca o labor e a calidade da atención que prestan aos anciáns emigrantes españois.
Esta condecoración, que recibiron o presidente do Fogar Galego, Rafael Gil Malvido, e o xerente do Fogar Elías Romeu, Leandro Pavón, "é un recoñecemento ao mérito e a traxectoria de servizo que caracteriza a ambas as residencias para maiores", sintetizou Miras Portugal, o mércores 21, na sede da Asociación Patriótica e Cultural Española durante o acto de entrega no que tamén estiveron presentes o embaixador de España, Román Oyarzun; o cónsul xeral, Pablo Barrios; e varios integrantes do corpo diplomático español, así como dirixentes e representantes doutras institucións e organismos arxentinos e españois.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas