Terceiro mes de incremento de afiliados estranxeiros na Seguridade Social

(22/06/2012)

Terceiro mes de incremento de afiliados estranxeiros na Seguridade Social

Xoves, 21 de Xuño de 2012

A Seguridade Social sumou 31.264 cotizantes estranxeiros no mes de maio, cifra que supón un incremento do 1,8% respecto de abril. En total, o número de inmigrantes que cotizan ao sistema chegou o mes pasado a 1.739.843 persoas. A campaña agrícola e a tempada turística serían as claves deste resultado.

Segundo datos do Ministerio de Emprego e Seguridade Social, xa son tres os meses de leve crecemento do emprego estranxeiro, tras oito meses consecutivos de caídas.

Do total de afiliados estranxeiros, 1.420.433 cotizaban ao Réxime Xeral; 215.050 ao de Autónomos; 98.823 ao do Fogar; 4.939 ao do Mar, e 598 ao do Carbón.

Con todo, en termos interanuais as cifras seguen confirmando que os traballadores inmigrantes están máis afectados pola perda de emprego. E é que nos últimos doce meses déronse de baixa do sistema 103.501 estranxeiros, que supón unha redución do 5,61%. Esta cifra supera a do conxunto do sistema, que se sitúa nun -3,39%. www.redinmigrante.es