O Centro Galego da capital británica anunciou que esta festividade, moi enraizada na cultura e tradición dos residentes galegos na capital británica, terá lugar o domingo 24 de xuño nos espazos externos deste área escolar de Portobello Road, onde se celebra desde hai máis dunha década.

A xornada festiva comezará ás 12.30 horas cunha misa oficiada polo bispo Luis Quinteiro Fiuza. Acto seguido, comezarán os actos máis lúdicos, como a actuación da charanga Támega, chegada desde Verín, e a propia comida, que reúne ao redor da mesa a decenas de familias galegas.

O «Día de Galicia en Londres» colleita 25 anos de historia e, na actualidade, reúne aos emigrantes chegados a Londres hai décadas e aos mozos que escapan da crise e buscan traballo na cidade do Támesis.