Vigo  16 de abril de 2012

Só o 14,5 % dos mozos vigueses tivo algunha experiencia de formación no estranxeiro, a cifra máis baixa das analizadas pola Comisión Europea nas seis cidades españolas elixidas para levar a cabo un programa de incentivación da saída ao exterior da mocidade para atopar emprego. O estudo presentado hoxe en Vigo desvela que a dificultade no financiamento das estancias no estranxeiro é a principal causa da escasa mobilidade dos mozos vigueses, motivación expresada polo 31 % dos enquisados, mentres que a falta de información é esgrimida polo 19,7 % e a dificultade co idioma por outro 18,9 %.