- 2012 lema: «Racismo e Conflito».
A discriminación racial ou étnica utilízase para insuflar medo ou odio aos/ás outros/as, o que a miúdo leva ao conflito e á guerra, como no caso do xenocidido de Ruanda en 1994. Foto da ONU/John Isaac. |
«O racismo segue causando sufrimentos a millóns de persoas en todo o mundo... Espero que todas as persoas se sumen ás Nacións Unidas no noso empeño por eliminar o racismo. Debemos erradicar o racismo, a estigmatización e os prexuízos tanto individual coma colectivamente.»
Mensaxe do Secretario Xeral, Ban Ki-moon
sobre o Día Internacional da Eliminación
da Discriminación Racial 2012
2012 lema: «Racismo e Conflito»
O lema deste ano para celebrar o día é «Racismo e Conflito», coa intención de destacar o feito de que o racismo e a discriminación a miúdo están na raíz de graves conflitos.
O lema foi escollido para captar a moitas veces ignorada e, non obstante, mutuamente retroalimentar relación entre o racismo e o conflito. En moitas partes do mundo, o racismo, os prexuízos, e a xenofobia crean unha tensión extrema e úsanse como poderosas armas para xerar medo ou odio en tempos de guerra. Os prexuízos e a xenofobia poden levar, mesmo, ao xenocidio, os crimes contra a humanidade, a limpeza étnica e os crimes de guerra.
O lema deste ano ten como obxectivo aumentar a concienciación sobre estes temas e recordar o sufrimento das vítimas que sufriron ou seguen sufrindo como resultado dos conflitos relacionados co racismo.
O primeiro artigo da Declaración Universal dos Dereitos Humanos afirma que «todos os seres humanos nacen libres e iguais en dignidade e dereitos». O Día Internacional para a Eliminación da Discriminación Racial recórdanos a nosa responsabilidade colectiva de promover e protexer este ideal.