A Irmandade de Centros Galegos en Euskadi convoca o XII Certame de Poesía "Anduriña Voandeira" para obras escritas en lingua galega. O prazo límite de admisión de obras é o 10 de maio de 2012 ás 20,00 h., cunha dotación de 600 € para o primeiro premio e de 150 € para o segundo.
BASES:
I . Poderán participar todos os autores/as de calquera nacionalidade que presenten unha ou varias obras escritas en lingua galega.
II . Os traballos non terán unha extensión superior a cen versos e deberán ser inéditos.
III . O presente Concurso está dotado cos seguintes premios:
Primeiro premio: 600 € | Segundo premio: 150 €
Os premios poderanse declarar desertos.
IV . As obras mecanografadas por unha sola cara e a dobre espazo, enviaranse por correo, sen remite, á:
IRMANDADE DE CENTROS GALEGOS EN EUSKADI
R/. Pablo Picasso, nº4 – 48012 BILBAO
De cada obra mandaranse cinco copias. A presentación farase polo procedemento de lema e plica.
No exterior indicarase o título e o lema escolleito.
No interior incluíranse os datos persoais do autor/a: este sobre terá que vir pechado. Na parte superior dereita da primeira folla da obra repetirase o lema.
V . O prazo de admisión das obras rematará o día 10 de maio ás vinte horas. A resolución farase pública o Día de Galicia en Euskadi a celebrar o 16 de xuño de 2012 en Sestao, e as obras premiadas poderán ser publicadas nas revistas dos Centros Galegos en Euskadi.
VI . A Irmandade de Centros Galegos en Euskadi reservará os dereitos de publicar as obras premiadas cando lle conveña, sen prexuízo de que o autor/a tamén as poida publicar.
VII . O feito de participar neste concurso supón a aceptación total destas Bases.