(24/01/2012)
Quen dixo que España e Europa non necesitarán traballadores inmigrantes?
Luns, 23 de Xaneiro de 2012
Quen crea que España e Europa xa non necesitarán máis traballadores estranxeiros equivócase. Segundo o informe 'Emigrantes Sudamericanos en España: Panorama e Politicas' que inclúe o primeiro número dos Cadernos Migratorios que edita a Organización Internacional para as Migracións (OIM), tanto España coma o resto do continente deberán recorrer a man de obra estranxeira para suplir as carencias do mercado laboral que se avizoran nun futuro próximo.
As políticas migratorias deberán ter en consideración as novas necesidades de España e do seu mercado laboral, que estará condicionado polo envellecemento da poboación e o saldo migratorio negativo, froito da saída do país tanto de estranxeiros que retornan aos seus países de orixe coma de españois que emigran a outras nacións para encontrar mellores oportunidades de traballo.
Os datos do informe indican que na última década do século XX, a migración de Sudamérica a España se cuadriplicou. No momento álxido destes movementos, principalmente de Ecuador, Colombia e Arxentina, e, con posterioridade, de Perú, Bolivia, Brasil, Venezuela, Uruguai e Chile, un terzo dos emigrantes que chegaron ao país ibérico eran latinoamericanos. A súa cifra ascendeu de 160.500 en 1990 a 708.700 en 1999, triplicándose (2,1 millóns) no período 2001-2009.
Por que elixiron ir rumbo á Península Ibérica? Porque España se converteu nun destino alternativo para os emigrantes sudamericanos que marchaban a Estados Unidos, país que tras os atentados do 11 de setembro de 2001 estableceu novos controis migratorios. O idioma, a relixión e os históricos e culturais, así como un réxime de visados máis liberal para os países de Sudamérica, tamén contribuíron a iso.
Non obstante, dende 2008, a crise económica mundial conduciu ao endurecemento das políticas de inmigración e visados, empezando pola directiva de retorno da Unión Europea, que permite a detención dos emigrantes indocumentados, incluídos menores non acompañados, durante un máximo de 18 meses mentres se levan a cabo as ordes de deportación. www.redinmigrante.es
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas