Foro Inmigración considera "intolerable" que se cobre por cartón sanitario

Foro Inmigración considera "intolerable" que se cobre por cartón sanitario

08-11-2011 

Santiago de Compostela, 8 nov (EFE).- O Foro Galego de Inmigración considerou "intolerable" que se cobre polo cartón sanitario, o que restrinxe o seu acceso ás persoas, migrantes ou non, sen recursos.

Neste sentido manifestouse a asociación de entidades que conforman o Foro nun comunicado no que presentan unha campaña baixo o lema "Ninguén sobra nunha crise", que desenvolverá do 12 de novembro ao 18 de decembro, Día Mundial das Persoas Migrantes.

No seu escrito, resaltan a situación das mulleres migrantes que traballan como empregadas do fogar ante o cambio lexislativo que se vai a producir nesta materia e o provocado polo novo regulamento da Lei de Estranxeiría, que entrou en vigor este verán e que, "neste contexto de crise económica dificultan aínda máis a vida cotiá das persoas migrantes".

En canto ás perspectiva do colectivo de migrantes ante as eleccións xerais, tras unha análise dos programas de PSOE e PP, o Foro conclúe que revelan "o pouco interese e atención que ten esta cuestión". EFE.