Un equipo con 12 acentos diferentes

(08/11/2011)

Un equipo con 12 acentos diferentes

Autor:

Pablo Portabales

Data de publicación: 8/11/2011

 O presidente, Jean-Philippe, é francés; o adestrador, Francisco, angoleño; o capitán, Gabriel, Gaby, arxentino. É un equipo de fútbol que desde esta tempada xoga na liga da Agrupación de Peñas e cuxo acertado nome é Mosaico. Os seus integrantes suman ata 12 nacionalidades diferentes. «O equipo forma parte do proxecto Peña Mosaico, que persegue a integración social e cultural. Queremos promover as vantaxes que se obteñen cando aprendemos a coñecernos mutuamente, a traballar conxuntamente e a pornos ao servizo do outro mediante o deporte, neste caso o fútbol», resume Jean-Philippe, o presidente-xogador, que en último partido foi o primeiro en chegar para pintar o campo e arranxar os vestiarios. Contan cun local en Vilaboa grazas á colaboración do Concello de Culleredo no que prestan axuda aos inmigrantes. No meramente deportivo o equipo vai a máis e gañou os seus primeiros partidos, pero nos comemos goles... porque non xogamos como un equipo, ao ser xente de tantos sitios diferentes...», reflexiona o responsable deste equipo con 12 acentos diferentes. O porteiro, Rafaury, alcumado Chulito, é dominicano, e, ademais dalgúns españois, entre o resto do persoal hainos de Uruguai, Mali, Holanda, Arxentina, Brasil, Italia, Colombia e ata contan cun sueco. «Este proxecto, máis aló do deporte, é unha aventura humana cuxa meta é ambiciosa», destaca Jean-Philippe.