A Xunta recorta un 9,4 % o gasto en Emigración e manterá o de Igualdade

Os órganos adscritos á presidencia da Xunta manexarán no 2012 un orzamento de 217,4 millóns de euros, un 3,7 % menos que este ano, segundo destacou onte no Parlamento o secretario xeral de Presidencia, Valeriano Martínez, ao explicar as contas desta área.

A Secretaría Xeral de Emigración é a que sofre o maior tijeretazo, ao perder o 9,4 % dos seus recursos, mentres que a área de Igualdade mantén practicamente o mesmo orzamento (19,2 millóns), do mesmo xeito que ocorre cos servizos de Asesoría Xurídica (2,3 millóns). Modernización e Innovación Tecnolóxica recibira un 5,4 % menos e a Secretaría Xeral de Medios salva os mobles cunha diminución do 2,2 %, quedándose con 112 millóns.