As remesas creceron un 12% no primeiro semestre a pesar da crise

(24/10/2011)

As remesas creceron un 12% no primeiro semestre a pesar da crise

Luns, 24 de Outubro de 2011

Os envíos de diñeiro por parte dos traballadores inmigrantes aos seus países de orixe seguen crecendo a pesar dos embates da crise económica. Segundo datos do Banco de España, durante o primeiro semestre as remesas aumentaron un 12% respecto do mesmo período de 2010, ata chegar aos 3.597 millóns de euros.

Desde 2002, coa chegada crecente de poboación inmigrante a España, o volume de remesas que enviaban aos seus familiares tamén ía aumentando sen pausa, pasando dos 2.844 millóns de euros rexistrados ese ano aos 8.449 millóns en 2007.

Con todo, dita tendencia crebouse no segundo trimestre de 2008, cando se rexistrou unha caída do 5,9%, á que seguiu unha redución do 9,2% en 2009, chegando ao volume máis baixo de toda a serie histórica en 2010, que comezou con 1.582 millóns de euros, pero pechou o último trimestre do ano con algo máis de 2.000 millóns de euros enviados. www.redinmigrante.es