O Goberno español pon en marcha en Arxentina o programa "Business woman"

O Goberno español pon en marcha en Arxentina o programa "Business woman"

Mariana Ruiz, Bos Aires
25 de xullo de 2011


Reunión, previa ao comezo do curso, de Agafor, no Centro Betanzos de Bos Aires.

O Ministerio de Traballo de España, no marco do programa "Mulleres 2011" da Dirección Xeral da Cidadanía Española no Exterior, puxo en marcha en Arxentina o proxecto "Business woman". Este programa, que leva adiante a Asociación Galega de Formadores (AGAFOR), desenvolverase na cidade de Bos Aires entre os meses de agosto e outubro e está orientado a formar a mulleres españolas residentes no exterior para alcanzar liderado e dirección, propiciando a súa inserción laboral ou mellorando as súas condicións de traballo. "Trátase de acompañalas na creación e consolidación de emprendimientos, fortalecendo a formación das mulleres dirixentes", explicou a responsable en Arxentina, durante un encontro preliminar que mantivo, o pasado venres no Centro Betanzos de Bos Aires, con algunhas das interesadas en participar desta iniciativa que non terá custo algún para as participantes.
O curso, que ten unha duración de 210 horas e ditarase en modalidade "B-learning" que conxuga a modalidade presencial "con clases que se ditarán os venres de 18hs. a 22hs. e sábados de 9hs. a 14hs., no Centro Betanzos de Bos Aires" e de teleformación.
Os contidos do programa están organizados en oito módulos formativos e un transversal e require a elaboración dun proxecto final.
Ao longo dos módulos formativos, as participantes recibirán as ferramentas básicas para a posta en marcha dunha iniciativa de autoemprego, dun emprendimiento ou a consolidación dunha empresa e o fortalecemento da formación dirixencial. A grandes liñas, a través da análise de casos conxugados con elementos teóricos, abordarán as distintas etapas e elementos que hai que ter en conta á hora de deseñar un proxecto e definir un modelo de negocios.
O módulo transversal estará destinado a explicar ás participantes como utilizar a plataforma dixital e todos os servizos que esta pon a disposición as usuarias, talles como salas de chat, etc.
O curso está destinado a mulleres, preferentemente profesionais, ou con título secundario, españolas, maiores de 35 anos, que residan en Arxentina.
A inscrición permanecerá aberta ata o próximo 31 de xullo e realízase a través da páxina web de Agafor en www.agafor.com. Nunha primeira instancia as interesadas deberán enviar por mail, escaneada, a documentación requirida.
Unha vez finalizado o prazo de inscrición, realizaranse, os próximos días 3 e 4 de agosto, reunións grupales nas cales presentarase a documentación orixinal, daranse a coñecer os proxectos e fará a selección final das participantes. O que se terá en conta, explicou a coordinadora é que é teñan real interese en levar adiante o proxecto.
Agafor é unha entidade sen ánimo de lucro con sede en Santiago de Compostela fundada por un equipo de profesionais da formación co propósito de divulgación do mundo da formación desde Galicia.
Grazas ao respaldo e ao financiamento de Ministerio de Traballo e Inmigración español a través da Dirección Xeral da Cidadanía Española no Exterior, Agafor formará a españois que residen en Arxentina e Uruguai.