María González Rouco presenta a súa «Volver a Galicia»

A xornalista, docente e investigadora galega residente en Arxentina, María González Rouco, presentou o pasado 8 de abril o seu libro «Volver a Galicia» no Centro Galego da cidade de Azul, na provincia de Buenos Aires.

Tras unha breve introdución, a cargo da presidenta da institución, María dos Angeles Fernández, a escritora Margarita Ferrer e o poeta Roberto Glorioso expuxeron os seus comentarios sobre o novo libro. O seu tema, a emigración involucra directa ou indirectamente a todos os arxentinos. Despois, a autora dirixiu unhas palabras emocionadas aos presentes, recordou anécdotas e historias que de pequena lle contaban os seus avós e que ela gardou celosamente na súa mente e que, co transcurso do tempo, inspiraríana a escribir este libro, onde «a morriña» e a dor do desarraigamento, están expostos con toda crueza nos testemuños de galegos emigrantes que foron «expulsados» en busca de novos horizontes para poder comezar outra vida lonxe da súa queridísima «terra nai».

Para amenizar o acto, Albe Pavese deleitou con suaves melodías galegas. E a actriz Delfina Branco conmoveu aos presentes cos seus poemas en idioma galego, «De Volta pra Terra» de Roxelio Rodriguez e o poema de Curros Enriquez dedicado a Rosalía.