(15/03/2011)
A asociación cultural Abou Baker xa presentou a documentación necesaria no Concello de Arteixo para realizar obras na vivenda da Baiuca que acaban de adquirir. Trátase, segundo confirmou o colectivo, de obras menores para habilitar o espazo ás necesidades da organización: «Queremos facer as cousas segundo indica a lei e estamos á espera de que o Concello dea autorización para efectuar as obras».
A asociación tamén reiterou a súa intención de manter a mesquita no Alto de Arteixo, a pesar de que o local non reúne todas as condicións necesarias para exercer a súa actividade.
A este respecto, a comunidade explicou que xa se puxeron en contacto co dono do local e terán que realizar pequenas reformas: «Estamos a decidir se o propietario realizará as obras ou nos dá autorización para que as fagamos nós», indicaron representantes deste colectivo.
Tamén a asociación indicou que simplemente deben pechar a entreplanta que ten o baixo e dotar o local de extintores: «Basicamente é iso o que temos que facer», concluíron.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas