(15/03/2011)
A inmigración, a través dos ollos de Cáritas
Datos solicitados en todas as Cáritas diocesanas do país
Cáritas, 14 de marzo de 2011 ás 16:29
Inmigrantes nunha patera.
EFE/Arquivo
O Observatorio da Realidade Social de Cáritas Española elaborou un informe específico sobre os efectos sociais da crise nas persoas inmigrantes
O Observatorio da Realidade Social de Cáritas Española elaborou un informe específico sobre os efectos sociais da crise nas persoas inmigrantes que viven en España.
A partir de datos propios solicitados a través de todas as Cáritas Diocesanas do país, o Informe, que sae á luz baixo o título "A situación social dos inmigrantes acompañados por Cáritas", aborda estas cuestións:
- O alcance das situacións sociais que caracterizan a vulnerabilidade e a exclusión da poboación inmigrante no seu acceso e exercicio a dereitos básicos (traballo, vivenda, saúde, educación e contorna).
- As circunstancias e dificultades xurídicas coas que se atopan as persoas inmigrantes ao facer fronte á reagrupación familiar, ao arraigamento e ás autorizacións de residencia e traballo.
- As actitudes e percepcións da sociedade ante a inmigración.
- A política social pública en materia de inmigración.
O informe inclúe tamén un apartado final de propostas concretas á luz dos resultados do mesmo.
Con obxecto de dar a coñecer o citado Informe, o secretario xeral de Cáritas, Sebastián Mora, e a directora da área de Desenvolvemento Social e Institucional, Ana Abril, ofrecerán unha rolda de prensa o vindeiro xoves 17 de marzo na sede dos Servizos Xerais de Cáritas.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas