O Foro Galego de Inmigración sitúase en contra da solicitude de traslado da menor musulmá
(01/03/2011)
O Foro Galego de Inmigración sitúase en contra da solicitude de traslado da menor musulmá
--------------------------------------------------------------------------------
28/02/2011 - Galiciaé/Axencias
O Foro Galego de Inmigración (FGI) pronunciouse este luns en contra da decisión do Consello Escolar do CEIP de Arteixo de solicitar o traslado dunha alumna, "polo feito de utilizar veo".
Segundo este foro a solicitude de traslado desta alumna "é un xeito indirecto de expulsala do centro, polo simple feito de utilizar veo, que é un elemento que forma parte da súa cultura e a súa relixión", polo que estiman que esta medida é discriminatoria coa alumna e coa súa familia.
O FGI tamén se manifestou sobre o papel da Xunta no conflito, tachando ao Goberno pola súa "indefinición, morneza e falta de compromiso para propor unha alternativa, que a propia Comunidade Educativa do CEIP de Arteixo estaba disposta a aceptar e asumir, ata solicitándoo en repetidas ocasións". Para o FGI, esta actitude está provocando "o mantemento no tempo dunha situación de conflito".
Indica este colectivo que se a Xunta, a través da Consellería de Educación, autoriza este traslado-expulsión, interporán unha denuncia por vía xudicial contra este Departamento do Goberno galego, por tolerar e apoiar un comportamento discriminatorio cunha persoa, que o único que quere é defender a súa cultura e relixión, sen ofender a ninguén.
ACTIVIDADES
| L | M | Me | X | V | S | D | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | | | | | | | |
|
AREA DE TÉCNICOS