"Tras a crise, repuntará a inmigración"

"Tras a crise, repuntará a inmigración"

Gil Arias. Director adxunto de Frontex

PÚBLICO 22/01/2011

Por que deixaron de chegar inmigrantes a España por mar?

En primeiro lugar, polos acordos bilaterais. Os países africanos son moito máis activos agora para evitar saídas desde as súas costas. Tamén inflúen, como factores disuasorios, a falta de traballo que hai en España e as operacións permanentes en países como Mauritania.

Haberá un repunte de inmigrantes tras a crise?

Si, sen dúbida haberá un repunte. É lóxico que as tentativas e a presión aumenten cando a situación económica se recupere. Nós traballamos a un ano vista e xa estamos planificando operacións para 2012.

Que riscos hai en 2011?

O problema máis acusado está na fronteira de Grecia con Turquía. É a porta de entrada á UE pola escasa cooperación de Turquía e a situación grega: ante a falta de capacidade para xestionar repatriacións, deixan aos inmigrantes en liberdade, que así poden seguir o seu camiño cara ao resto de Europa.