A poboación inmigrante visita a metade ao médico. O informe baséase nas citas que se rexistraron durante un ano en 26 centros de saúde

A poboación inmigrante visita a metade ao médico O informe baséase nas citas que se rexistraron durante un ano en 26 centros de saúde

V. PI MADRID 08/10/2010 01:00 Actualizado: 08/10/2010 04:50
Os inmigrantes van ao médico a metade de veces que os españois. Mentres os primeiros van aos centros de saúde unha media de 4,7 veces ao ano, os cidadáns nacionais case duplican a frecuencia, cunha media de 8,3 visitas. A esta conclusión chega un estudo presentado onte no XVI congreso da Wonca a organización mundial de médicos de familia que se celebra ata mañá en Málaga. O informe baséase nas citas que se rexistraron durante un ano en 26 centros de saúde.

O director do estudo, o especialista Luís Gimeno, subliñou que os datos desmentes a quen fan "afirmacións que tenden a culpar á inmigración da saturación do sistema de saúde".

Gimeno descartou que a situación irregular poida incidir no resultado, porque o estudo fíxose con poboación con cartón sanitario. Tamén descartou que inflúa o descoñecemento do idioma, xa que  "desagregaron por zonas de procedencia".

Os asiáticos son os que menos pasan pola consulta habitual (3,1 veces ao ano) e os latinoamericanos, os que máis (5,3 ocasións). Os cidadáns do África subsahariana van ao médico unha media de 4,9 veces ao ano.