(08/10/2010)
Inmigrantes sen papeis ocupan o museo de inmigración de París
7 oct 2010
|
Museo da Inmigracion en París
Centos de traballadores estranxeiros ocuparon o museo parisiense para a inmigración en protesta pola política migratoria francesa, e demandaron ao Goberno galo a regulación dos seus papeis para poder permanecer no país de forma legal.
"Queremos que o Goberno cumpra as súas promesas", esixiu hoxe o representante sindical Raymond Chauveau. Tras numerosas folgas de traballadores sen dereito de permanencia, o Executivo e os sindicatos acordaron en xuño un proceso acelerado para proporcionar papeis aos afectados. Con todo, desde entón só se admitiu a trámite unha pequena parte das solicitudes.
Moitos estranxeiros levan anos vivindo en Francia e traballando con documentación falsa. O museo da inmigración, que abriu as súas portas en 2007, atópase no edificio que foi no seu día o Ministerio de Colonias. Creouse, entre outras cousas, para demostrar cal foi a contribución dos inmigrantes ao desenvolvemento do país.
O Goberno francés permite en determinados casos a legalización de inmigrantes que levan anos traballando no país sen os permisos necesarios. No entanto, non se quere dar a impresión de que amplos grupos de inmigrantes poden regular facilmente a súa situación en terra gala.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas