As Delegacións do Goberno terán un área de inmigración, outra de política social e oficina de estranxeiría

(26/07/2010)

As Delegacións do Goberno terán un área de inmigración, outra de política social e oficina de estranxeiría

EUROPA PRESS. 23.07.2010

As delegacións do Goberno de todo o territorio nacional terán dúas novas áreas funcionais, unha de traballo e inmigración e outra de sanidade e política social, conforme o Decreto aprobado este venres no Consello de Ministros que reestrutura a distribución do traballo nestas dependencias oficiais.

Segundo explicou a vicepresidenta Primeira do Goberno, María Teresa Fernández de la Vega, o obxectivo desta medida é "garantir a optimización de recursos e ofrecer un mellor servizo aos cidadáns".

O decreto contempla así mesmo dar cumprimento ao Regulamento de Estranxeiría actualmente en vigor, que prevé a existencia de oficinas de estranxeiría en todas as delegacións e subdelegacións do Goberno.

Para iso, recolle a creación de 16 oficinas nos próximos tres meses que se sumarán ás 33 xa existentes e darán así cobertura a todas as dependencias do Executivo no territorio nacional.