Eva Moreda gaña o Terra de Melide cunha obra de emigración inglesa
(10/06/2010)
Eva Moreda gaña o Terra de Melide cunha obra de emigración inglesa
09/06/2010 - O Progreso (Lugo)
A escritora ribadense Eva Moreda, de 29 anos, fíxose co premio Terra de Melide de creación literaria pola súa obra 'A veiga é como un tempo distinto'. O galardón está dotado con 6.000 euros e a publicación da obra por Xerais.
O fío argumental desta novela traza un percorrido pola inmigración galega en Londres nos anos 60 e 70, contada, segundo o xurado, "cunha visión innovadora". O xurado tamén destacou a súa "literatura moderna, narrada con frescura e cun ánimo narrativo merecedor de ser recoñecida como a mellor das vinte e cinco obras presentadas ao certame".
Eva Moreda naceu fai 29 anos en Vegadeo, pero se trasladou con só tres a Ribadeo. Licenciada en Filoloxía Clásica e Musicoloxía, ten traballos nos ámbitos da comunicación, a tradución e a docencia. publicou cinco novelas e outros traballos que xa lle valeron os premios Rúa Nova de narracións xuvenís de 1997 e 1999.
No palmarés deste premio figura outro mariñán, Santiago Jaureguizar, quen gañara o Terra de Melide 2008 con 'O globo de Shakespeare'.
ACTIVIDADES
| L | M | Me | X | V | S | D | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | | | | | | | |
|
AREA DE TÉCNICOS