VISITA DA DIRECTORA XERAL DE EMIGRACIÓN A CUBA

(09/03/2010)

Pin reúnese con dirixentes das entidades que representan ás distintas autonomías

Feliberto Carrié, A Habana


Santamarina entregou a Pin un diploma de recoñecemento da Federación.

Pin: "Hoxe únenos a defensa pola igualdade e os dereitos das mulleres"
A directora xeral da Cidadanía Española no Exterior, Pilar Pin, afirmou ante os representantes das comunidades autónomas españolas que "a partida dos emigrantes españois cara a Cuba deu todo no plano emocional" e sentenciou que "o Goberno socialista xerencia o mellor que pode os recursos do Estado de acordo ao que necesitan as persoas e máis agora que vivimos nun momento de crise".
Cualificou dita reunión como "moi diferente á do CRE, con outra dimensión e unha proxección de traballo futuro no que todas as sociedades desas comunidades deben saber que contan co apoio do Goberno español".
Durante a cita producíronse intercambios de palabras sobre ideas e asuntos pendentes como a perda da cidadanía das mulleres españolas, que tras casar cun cubano na primeira metade do século XX, neste caso, perdía a cidadanía española; para os cubanos é ibérica e para os españois é cubana. Ata a data, o Código Civil español non recoñece a recuperación da nacionalidade desas mulleres españolas e é un vella petición da emigración na Illa.
Como solución ao vello reclamo, díxose que unha Lei de Nacionalidade, que foi aprobada polo CGCEE é a única solución viable para dar saída a este caso, tratado como discriminatorio pola emigración española en Cuba. Neste punto interviñeron Carmelo González, conselleiro xeral da emigración e presidente da sociedade canaria; Sergio Rabanillo, presidente da Agrupación de Sociedades Castelás e Leonesas; e Roberto Ogando, presidente dos ourensáns, entre outros.
Rabanillo pediu a Pin que o Goberno español "non se esqueza do compromiso aceptado polas autoridades españolas para que en Cuba exista unha consellería propia que facilite o contacto coa emigración e engadiu que o traballo coas sociedades e os emigrantes é de voluntariedad con independencia das nosas orixes".
Longino Valdez, vicepresidente da Federación Asturiana de Cuba, referiuse ao eterno problema do voto nas eleccións españolas, polos problemas de correo, e a súa preocupación por certas tendencias en España para eliminar o voto da emigración, asegurando que hai que defender o que é un dereito constitucional de todos os españois, estean onde estean.
Ao concluír a cita, Xullo Santamarina, presidente da Federación de Sociedades Españolas, entregou a Pin un diploma de recoñecemento da federación polo seu esmero e desvelo cara á emigración na Illa.


Visita á sociedade "Naturais de Ortigueira"
A directora xeral da Cidadanía Española no Exterior realizou unha breve visita á sociedade "Naturais de Ortigueira", momentos antes do seu regreso a España. A visita coincidiu cunha Xunta Xeral dos asociados, quenes reflexionaban sobre a súa entidade e as mellores vías para realizar un excelente traballo de atención á membresía.
"Naturais de Ortigueira" é a maior sociedade de orixe galega en Cuba e a súa historia está preñada das mellores accións dos emigrantes galegos na Illa. 
Pilar Pin foi recibida á entrada da entidade polo presidente da sociedade, Juan Orallo, e por outros membros da Xunta Directiva. Pin compartiu cunhas decenas de galegos e galegas entre os que se encontraban expresidentes, moitas mulleres descendentes de galegos e a Xunta Directiva en pleno.