Coa posta en marcha dun ciclo de Seminarios para Emprendedores a Fundación Galicia Emigración aposta pola creación e consolidación de empresas, mellorando a empregabilidade do colectivo.
O primeiro dos seminarios de Motivación Emprendedora dará comezo o 3 de febreiro en Lugo
Nel analizarase como levar a cabo a transformación dunha idea en proxecto empresarial e ofertaranse os recursos dispoñibles para acadar o éxito na empresa
O ciclo de seminarios organízase en colaboración co BIC Galicia, coa fin de crear emprego pola vía da creación e o mantemento sostido de novas empresas
Santiago, 27 de xaneiro de 2010.- A FGE, en colaboración con BIC Galicia, abre o prazo de inscripción para un novo seminario de Motivación Emprendedora para encarar novos proxectos de empresa e vai destinado a inmigrantes residentes en Galicia e emigrantes retornados.
No curso- dunha xornada de duración- ademais de asesoramento- axentes especializados analizarán a viablilidade dos posibles proxectos e os recursos materiais e humanos para poñelos en marcha.
Entre os obxectivos do curso, totalmente de balde para os interesados, tratarase a figura do emprendedor e a relación do éxito da empresa a través e as características persoais do emprendedor a través de casos reais de negocio implantados en Galicia.
Co apoio destas iniciativas emprendedoras a Fundación Galicia Emigración busca mellorar o perfil do emprendedor- desde a súa polivalencioa e empregabilidade- e a súa posterior integración no mercado laboral galego, polo que apoia a creación e posta en marcha de empresas nas zonas xeográficas onde se desenvolvan estes seminarios.
O ciclo de seminarios organízase en colaboración co BIC Galicia, coa fin de crear emprego pola vía da creación e o mantemento sostido de novas empresas levadas a cabo por inmigrantes e emigrantes retornados con algún interese en emprender unha actividade empresarial.
Os interesados haberán de dirixirse á Fundación Galicia Emigración:
Fundación Galicia Emigración
Rúa do Vilar, 15. 15705 Santiago de Compostela (España)
T: 0034 981 554463 - Fax: 00346 981554612
autoemprego@fundaciongaliciaemigracion.es
www.fundaciongaliciaemigracion.es
O curso celebrarase en horario de tarde- 16:00 a 19:30h.- na Confederación de Empresarios de Lugo.
O ciclo de Seminarios para Emprendedores completarase cun Seminario para Xeración, Maduración e Avaliciación das ideas empresariais- que transcorrerá ao longo do mes de febreiro e marzo- e un Seminario para Creación de Novos Proxectos de Empresa.
