Vic se enroca no seu veto aos 'sen papeis', pero apraza a medida ata febreiro

(14/01/2010)

Vic se enroca no seu veto aos 'sen papeis', pero apraza a medida ata febreiro
O consistorio, formado por CIU, PSC e ERC, encarga un informe xurídico externo
ELPAÍS.com - Barcelona - 13/01/2010

Non se votou nada concreto, nin sequera hai papeis escritos, pero o equipo de Goberno do Concello de Vic (Barcelona) reafirmou a súa intención de modificar os criterios de empadroamento: pedirá o visado aos inmigrantes en situación irregular e se non o teñen negaralles o trámite. Farao a partir do próximo 4 de febreiro.

O Concello, gobernado por CIU, ERC e PSC, mantense pois, nos seus trece, aínda que a medida foi cualificada de ilegal por, entre outros, a vicepresidenta do Goberno español, María Teresa Fernández de la Vega, ou o ministro de Traballo, José Corbacho.

Tanto o alcalde, Josep Maria Vila d'Abadal (CIU) como os concelleiros do PSC, Josep Burgaya, e ERC, Joan López Carol, defenderon a legalidade "e lexitimidade" da medida no pleno, aínda que aseguraron que encargarán un estudo xurídico e reconsiderarán a esixencia de visado se detecta irregularidades.

O alcalde defende que vetar o padrón aos sen papeis "busca mellorar a cohesión social da cidade e traballar no sentido da orde e a convivencia".

Desde a oposición, ICV presentou unha moción para pronunciarse en contra, pero a retirou despois de que o alcalde comprometeuse a explicar a medida ás entidades e ao propio partido ecosocialista nas próximas semanas.

A xenófoba Plataforma per Catalunya de Josep Anglada, con catro concelleiros no consistorio, pretendía aprobar pola vía de urxencia unha moción de apoio, pero foi rexeitada por entender o tripartito que non requiría de tal urxencia.

Reaccións


Os partidos aos que pertencen os edís que forman o tripartito municipal mantiveron unha actitude de relativa morneza cos seus compañeiros. CIU leva días pedindo respecto pola realidade do municipio, onde unha cuarta parte das súas case 40.000 habitantes son de orixe estranxeira.

ERC, cuxo portavoz afirmou o venres pasado que a formación "non ve ben" a medida, mantivo unha actitude ambigua: a portavoz parlamentaria, Anna Simó, non entrou a valorar as intencións do Concello e limitouse a dicir que "o que fai e debe facer Vic é cumprir as súas funcións e pór orde no padrón". O PSC non valorou a cuestión.

Mentres, desde o Goberno catalán -que o martes non quixo valorar a cuestión a pesar dos reiterados requirimentos dos medios de comunciación-, o secretario de Inmigración, Oriol Amorós, advertiu ao Concello de Vic que non empadroar a sen papeis só xerará "descoñecemento" sobre a realidade das persoas que residen no municipio e máis "desorde".