A Xunta publica unha guía sobre violencia machista para inmigrantes
(12/01/2010)
A Xunta publica unha guía sobre violencia machista para inmigrantes
Estas guías foron editadas en romanés, árabe e francés, ademais de en galego e castelán, co obxectivo de romper as "barreiras idiomáticas", que "en ocasións, impiden a estas persoas solicitar axuda", e pór ao alcance da poboación inmigrante os recursos sociais dos que dispón fronte á violencia de xénero.
Esta actuación inscríbese dentro do convenio asinado pola secretaría xeral de Igualdade e a secretaría xeral de Emigración do Goberno galego, e polo que previamente se desenvolveron unha serie de talleres informativos para mulleres inmigrantes en diferentes localidades galegas.
O portavoz de Amnistía Internacional en Galicia, Alberto Estévez, valorou, en declaracións a EFE, esta iniciativa da Xunta como un "pequeno paso adiante", posto que a falta de materiais sobre esta cuestión en "linguas comprensibles" para a poboación inmigrante supón un "hándicap adicional" para este colectivo á hora de facer fronte a un caso de violencia contra as mulleres.
No entanto, Estévez lamentou que as mulleres inmigrantes "en situación administrativa irregular" non poidan acceder aos recursos para vítimas de violencia machista promovidos pola Xunta.
Así mesmo, denunciou a existencia dunha instrución do Ministerio do Interior que fai que ás vítimas en situación irregular "póidaselles abrir un expediente de expulsión á vez que se tramita a súa denuncia" o que supón unha "importante barreira" para este colectivo á hora de denunciar aos seus agresores. EFE
ACTIVIDADES
| L | M | Me | X | V | S | D | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | | | | | | | |
|
AREA DE TÉCNICOS