(07/01/2010)
Modificación do Consello Galego da Inmigración (RI §1039540)
04/01/2010
Decreto 442/2009, de 11 de decembro, polo que se modifica o Decreto 127/2006, de 27 de xullo, polo que se crea o Consello Galego da Inmigración (DOG de 31 de decembro de 2009). Texto completo.
DECRETO 442/2009, DE 11 DE DECEMBRO, POLO QUE SE MODIFICA O DECRETO 127/2006, DE 27 DE XULLO, POLO QUE SE CREA O CONSELLO GALEGO DA INMIGRACIÓN.
Mediante o Decreto 127/2006, de 27 de xullo, creouse o Consello Galego da Inmigración, integrado na Administración da Comunidade Autónoma de Galicia a través da Secretaría Xeral da Emigración, como órgano colexiado de consulta, asesoramento e colaboración.
Na letra a) do número 1 do artigo 8.º establécese que a Administración pública autonómica estará representada en devandito consello por once representantes de diferentes departamentos e centros directivos da Xunta de Galicia, enumerándose estes segundo o sinalado no Decreto 211/2005, de 3 de agosto, polo que se establece a estrutura orgánica da Xunta de Galicia, e no Decreto 231/2005, de 11 de agosto, polo que se establecen os centros directivos dependentes da Presidencia da Xunta de Galicia.
Devanditos decretos foron derrogados polo Decreto 79/2009, de 19 de abril, polo que se establece a estrutura orgánica da Xunta de Galicia, e polo Decreto 82/2009, de 21 de abril, polo que se establecen os centros directivos dependentes da Presidencia da Xunta de Galicia, respectivamente, sendo necesario, polo tanto, modificar a redacción da letra a) do número 1 do artigo 8.º do Decreto 127/2006, de 27 de xullo.
Ao obxecto de gañar en eficacia e operatividade, considérase conveniente establecer os representantes de cada departamento aludindo ás competencias de cada un, con independencia da estrutura orgánica que poida ter a Xunta de Galicia en cada momento.
Por todo iso, a proposta do conselleiro de Presidencia, Administracións Públicas e Xustiza e previa deliberación do Consello da Xunta de Galicia, na súa reunión do día once de decembro de dous mil nove,
DISPOÑO:
Artigo único.-Modifícase o Decreto 127/2006, de 27 de xullo, polo que se crea o Consello Galego da Inmigración, de conformidade co disposto no seguinte punto:
A letra a) do número 1 do artigo 8.º queda redactada da seguinte forma:
?a) Once representantes da Administración autonómica con rango de director/a xeneral ou secretario/a xeneral polas áreas competenciais establecidas, propostos polo\/a titular do departamento competente:
-Un/a de o departamento con competencias en materia de igualdade.
-Un/a de o departamento con competencias en materia de inclusión social.
-Un/a de o departamento con competencias en materia de xustiza.
-Un/a de o departamento con competencias en materia de economía.
-Un/a de o departamento con competencias en materia de educación.
-Un/a de o departamento con competencias en materia de cultura.
-Un/a de o departamento con competencias en materia de sanidade.
-Un/a de o departamento con competencias en materia de traballo.
-Un/a de o departamento con competencias en materia de vivenda.
-Un/a de o departamento con competencias en materia de cooperación ao desenvolvemento.
-Un/a representante dos órganos superiores dependentes da Presidencia da Xunta de Galicia?.
Engádese un novo parágrafo ao artigo 8.º:
3. A representación da Xunta de Galicia proporase unha vez coñecida a representación das outras entidades integrantes do consello, a efectos de tender a unha composición equilibrada das mulleres e dos homes na toma de decisións.
Disposicións finais
Primeira.-Se faculta ao secretario xeral da Emigración para ditar cantas disposicións sexan necesarias para o desenvolvemento e execución deste decreto.
Segunda.-Este decreto entrará en vigor o día seguinte ao da súa publicación no Diario Oficial de Galicia.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas