Nalgún momento díxose que había que afacerse, que eran o futuro. Pero en toda a diocese de Lugo non hai nin un só cura que chegue pola vía da inmigración. Na área compostelá, apenas superan a media ducia. As vocacións en África ou en Latinoamérica non son excedentarias: «É un feito extraordinario -sinala o vigairo de Santiago, José Antonio Seoane-. Ás veces veñen estudar, quedan un par de anos e logo vanse». O fenómeno que resucitou moitos conventos galegos non tivo réplica no sacerdocio. Son todos benvidos, pero poucos son os que quedan.