A Xunta desenvolverá un programa de sensibilización para inmigrantes
(04/11/2009)
A Xunta desenvolverá un programa de sensibilización para inmigrantes
Santiago de Compostela, 3 nov (EFE).- As secretarías xerais de Igualdade e de Emigración da Xunta e a Asociación de Centros Homologados asinaron hoxe un convenio para o desenvolvemento dun programa de sensibilización e formación en violencia machista dirixido á poboación inmigrante que reside en Galicia.
Con esta iniciativa o Goberno galego pretende que as mulleres inmigrantes dispoñan dos recursos e a información necesaria para saber onde acudir cando sufran ou coñezan un episodio de violencia machista, informou a Secretaría Xeral de Igualdade nun comunicado.
O programa estará composto de diferentes módulos formativos de 5 horas de duración, que se impartirán na Coruña, Lugo, Ourense, Pontevedra, Vigo e Santiago, así como en "aquelas vilas cunha maior porcentaxe de persoas inmigrantes", e concluirá coa celebración dunha xornada sobre mulleres e inmigración. EFE.
ACTIVIDADES
| L | M | Me | X | V | S | D | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | | | | | | | |
|
AREA DE TÉCNICOS