   |
    |
Xunta e Organización de Estados Americanos colaboran para consolidar o IDIE
(26/10/2009)
Xunta e Organización de Estados Americanos colaboran para consolidar o IDIE
Santiago de Compostela, 24 oct (EFE).- O conselleiro de Presidencia, Afonso Roda, e o director da Oficina Rexional en Bos Aires da Organización de Estados Iberoamericanos (OEI) para a Educación, a Ciencia e a Cultura, Darío Pulfer, asinaron un convenio de colaboración para consolidar o Instituto para o Desenvolvemento e a Innovación Educativa (IDIE) en Arxentina.
No acto, celebrado en Bos Aires, tamén estivo presente o ministro de Educación do Goberno arxentino, Alberto Estanislao Sileoni, segundo informou hoxe a Xunta nun comunicado.
O convenio subscrito rexe a colaboración entre ambas as institucións no proxecto de consolidación do IDIE, que contará cun orzamento para este mesmo ano de 127.000 euros, dos cales 100.000 son achegados pola Xunta.
O obxectivo do acordo é consolidar o Instituto que hoxe acolleu o acto de firma e potenciar a innovación e a calidade educativa en Arxentina.
Antes da firma deste convenio, o titular de Presidencia participou no Auditorio do Centro Galicia nun encontro cos participantes no programa 'Volver á Terra', no que estivo acompañado polo secretario xeral de Emigración, Santiago Camba, e polo delegado da Xunta en Bos Aires, Alejandro López Dobarro.
Roda dixo aos presentes que se van a atopar cunha Galicia "transformada, desenvolvida e moderna, en boa parte grazas ao esforzo dos emigrantes", segundo apunta a mesma fonte.
O conselleiro de Presidencia destacou que o Goberno que preside Alberto Núñez Feijóo terá moi presentes aos emigrantes e renovará o compromiso coa diáspora galega. EFE
Santiago de Compostela, 24 oct (EFE).- O conselleiro de Presidencia, Afonso Roda, e o director da Oficina Rexional en Bos Aires da Organización de Estados Iberoamericanos (OEI) para a Educación, a Ciencia e a Cultura, Darío Pulfer, asinaron un convenio de colaboración para consolidar o Instituto para o Desenvolvemento e a Innovación Educativa (IDIE) en Arxentina.
No acto, celebrado en Bos Aires, tamén estivo presente o ministro de Educación do Goberno arxentino, Alberto Estanislao Sileoni, segundo informou hoxe a Xunta nun comunicado.
O convenio subscrito rexe a colaboración entre ambas as institucións no proxecto de consolidación do IDIE, que contará cun orzamento para este mesmo ano de 127.000 euros, dos cales 100.000 son achegados pola Xunta.
O obxectivo do acordo é consolidar o Instituto que hoxe acolleu o acto de firma e potenciar a innovación e a calidade educativa en Arxentina.
Antes da firma deste convenio, o titular de Presidencia participou no Auditorio do Centro Galicia nun encontro cos participantes no programa 'Volver á Terra', no que estivo acompañado polo secretario xeral de Emigración, Santiago Camba, e polo delegado da Xunta en Bos Aires, Alejandro López Dobarro.
Roda dixo aos presentes que se van a atopar cunha Galicia "transformada, desenvolvida e moderna, en boa parte grazas ao esforzo dos emigrantes", segundo apunta a mesma fonte.
O conselleiro de Presidencia destacou que o Goberno que preside Alberto Núñez Feijóo terá moi presentes aos emigrantes e renovará o compromiso coa diáspora galega. EFE
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas