VISITA ARXENTINA E URUGUAI A DIRECTORA DA FUNDACIÓN RAMÓN RUBIAL - ESPAÑOIS NO MUNDO, JIMENA SANCLEMENTE

(19/10/2009)

VISITA ARXENTINA E URUGUAI A DIRECTORA DA FUNDACIÓN RAMÓN RUBIAL - ESPAÑOIS NO MUNDO, JIMENA SANCLEMENTE

Bos Aires - 16/10/2009 - SICE - Jorge Navós



Durante a próxima semana, do 19 ao 25 de outubro, Jimena Sanclemente, Directora da Fundación Ramón Rubial - Españois no Mundo, reunirase cos Centros de Españois en Uruguai e a Arxentina, así como cos membros da Fundación nestes países, para interesarse polas necesidades dos españois que residen alí e polos proxectos que se están levando a cabo.



Jimena Sanclemente manterá un encontro cos Conselleiros de Traballo e Inmigración, tanto en Uruguai como en Arxentina, Xullo Olmos e Guillermo Hernández Cerviño, respectivamente, para tratar de analizar cales son os principais problemas cos que se atopan os residentes españois alí e así poder empezar a traballar para buscar solucións e respostas concretas. Ademais valorarán a posta en marcha de novos programas que cumpran as expectativas da Colectividade española.



Pola súa banda, Adriana Sanclemente, Directora de Proxectos da Fundación Ramón Rubial - Españois no Mundo, visitará o CRE de Rosario para interesarse tamén polas dificultades coas que se poidan atopar os seus membros e para intentar fomentar a participación electoral nas próximas eleccións.



O venres 23 de outubro, a Directora de Proxectos, viaxará a Mar do Prata para Participar no 4º Congreso de Mozos Descendentes de Españois que organiza AJDERA, co auspicio do Ministerio de Traballo e Inmigración de España e a a Embaixada de España na Arxentina, que finalizará o 25 de outubro.



Entre todos os proxectos que está desenvolvendo a Fundación, a Directora interesarase en maior medida polo de Asistencia a Maiores e Dependentes que se puxo en marcha en 2007 e que se está levando a cabo en Bos Aires e Montevideo, ademais de Sao Paulo. Este programa desenvolve a Lei de Dependencia e ofrece asistencia a maiores e dependentes mediante a contratación de auxiliares domiciliarios que visitan semanalmente aos beneficiarios.



Jimena Sanclemente charlará tamén coa directiva da sedes da Fundación Españois no Mundo en Arxentina e Uruguai sobre o Proxecto de Muller e Violencia Doméstica. Interesarase pola situación na que está a próxima apertura dunha casa de acollida en Arxentina e Uruguai e polo plan de cursos de formación para persoas que atendan a mulleres vítimas de violencia de xénero que xa se están ofertando en Arxentina.



A través destas viaxes, a Fundación Ramón Rubial - Españois no Mundo achégase á Colectividade española que reside no exterior, podendo así responder dun xeito máis eficaz ás súas necesidades.