A iniciativa, enmarcada na liña estratéxica “O valor da experiencia”, da área de maiores de Afundación, ten como obxectivo pór en valor a traxectoria vital e profesional das persoas maiores a través de programas que beneficien outros grupos da sociedade.

O IES Frei Martín Sarmiento de Pontevedra acollerá esta mañá a presentación do programa, no que estarán presentes Belén Padrón e María del Pilar Rodríguez, vicedirectora e orientativa, respectivamente, do instituto; Carmen Liste e María José Pérez, participantes no proxecto, e Sabela Couceiro, coordinadora da área de maiores de Afundación. Tras o acto de presentación pública, comezará o encontro na aula, no que se poderán coñecer as impresións das persoas voluntarias e os estudantes que participan no proxecto.

Participación do público

Doutra banda, un total de 2115 escolares de quinto e sexto de primaria de 37 centros educativos de Pontevedra e comarca gozarán estes días no Auditorio da sede Afundación de Pontevedra do programa de teatro participativo en inglés, “What Monster?”, de On Stage Company, unha das ferramentas máis útiles, prácticas e divertidas para aprender inglés.

Esta peza teatral narra o que podería suceder se un monstro axudásenos a enfrontarnos a aquilo que nos asusta, pero existe un problema: a lei dos monstros é clara, ¡toda axuda ten un prezo! ¿Quereriamos pagalo? Esta divertida obra de teatro articúlase a partir da participación do público, unha experiencia práctica e divertida para asimilar novos coñecementos e aprender a expresarse en inglés. Onte tiveron lugar os primeiros dos pases e hoxe e mañá volverán repetirse, todos en horario de mañá.