(03/02/2023)
España e Marrocos reforzan a súa colaboración nos ámbitos de migracións e Seguridade Social
O ministro Escrivá asinou tres acordos de cooperación no marco da RAN que se celebrou en Rabat
Ministerio de Inclusión, Seguridade Social e Migracións 02/02/2023
O ministro de Inclusión, Seguridade Social e Migracións, José Luis Escrivá, e os ministros de Inclusión Económica, Pequena Empresa, do Emprego e da Competencia de Marrocos, Younes Sekkouri; de Asuntos Exteriores, da Cooperación Africana e dos marroquís no exterior, Nasser Bourita; e de Sanidade e Protección Social, Khalid Ait Taleb, asinaron tres acordos de colaboración entre España e Marrocos nos ámbitos de migracións e Seguridade Social.
En materia de migracións, asinaron dous memorándums de entendemento para intercambiar coñecementos en materia de xestión migratoria e integración, con especial foco en colectivos como mulleres, nenos e novos e vítimas de trata ou de violencia.
A través deste acordo, as partes pactan intercambiar información sobre necesidades recíprocas de ocupacións prometedoras para orientar a formación dos mozos. Ademais, establecerase un programa de apoio a estudantes cando finalicen a súa formación en sectores estratéxicos para ambos os países. Tamén se comprometeron a traballar para poñer en marcha un marco de referencia para identificar e desenvolver novos proxectos de integración vertical.
Finalmente, reforzouse a cooperación entre ambos os países en materia de Seguridade Social, que se traducirá nun maior intercambio de información e seguimento das prestacións, así como unha mellor cooperación na loita contra a fraude.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas