A Secretaría Xeral da Emigración recorda que só faltan uns días para que se abra a nova convocatoria das Bolsas Excelencia Mocidade Exterior – BEME para universitarias e universitarios galegos do exterior, polo que anima a todas e todos os interesados a que preparen a súa documentación. Esta axuda permite a realización dun máster para o curso 2023/24 nunha das tres universidades galegas.

María Valverde, estudante bolseira BEME da Universidade de Vigo, retornada do Reino Unido, anima aos posibles candidatos e candidatas a preparar a súa documentación para poder optar a unha destas bolsas que permiten mellorar a súa formación en Galicia de cara á busca dun futuro emprego.