Os creadores do proxecto «Onde caben dous, caben cinco», estudantes do IES Agra do Orzán, presentaron onte este proxecto estatístico sobre demografía e inmigración no Centro Ágora.

 

22 sep 2022 .

 

 

O alumnado de primeiro de bacharelato do IES Agra do Orzán que forma parte do Club Estatístico do centro realizou o traballo Onde caben dous, caben cinco. Neste proxecto, realizaron unha análise social e demográfico da cidade, centrándose especialmente nos factores relacionados coa inmigración no barrio e no instituto. Este mércores presentaron o traballo no Centro Ágora, como parte das actividades do programa Agra non Ágora. Pablo Araújo Rodríguez, Florencia Isabel Balmelli Rivero, Eduardo A. Tella Vidal e Isabel Rodríguez Polín, os autores do proxecto, contaron coa colaboración da oenegué Ecos do Sur e obtiveron o primeiro premio no XII Concurso Incubadora de Sondaxes e Experimentos. Os alumnos estiveron tutorizados pola súa profesora de Matemáticas, María Anxo Martínez Rodríguez.