GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Amigos de Galicia logrou empregar a 216 persoas no que vai de ano en Ourense

(05/08/2022)

Amigos de Galicia logrou empregar a 216 persoas no que vai de ano en Ourense

La Voz OURENSE

 

MIGUEL VILLAR

A hostalería é o sector que máis ofertas abre aos inmigrantes na provincia, segundo o departamento de emprego desta entidade

 

04 ago 2022 .

 

O programa de emprego da Fundación Amigos de Galicia logrou inserir no mercado laboral a 29 persoas no mes de xullo. O servizo de orientación laboral desta entidade sen ánimo de lucro atendeu a 162 persoas desempregadas e con especiais dificultades para atopar un posto de traballo, mellorando a súa formación e acompañándolles na procura activa de emprego.

 

No que vai de ano, ese departamento da Fundación Amigos de Galicia atendeu na provincia de Ourense a 1.393 persoas, das que 216 lograron un contrato. A entidade lembra que a integración laboral é esencial para lograr tamén a inclusión social e, de feito, a maioría dos atendidos no servizo de emprego tamén son usuarios do plan integral de loita contra a pobreza e a exclusión desta fundación.

 

«Non só cubrimos as súas necesidades mentres se atopan nunha situación de dificultade, senón que lles damos ferramentas para que poidan saír de ela», matizan desde a entidade. Todas as persoas as persoas que están en idade laboral e achéganse á fundación buscando axuda, son derivadas a ese departamento de emprego para poder axudarlles a atopar propostas de traballo que sexan do seu interese e encaixen nas súas capacidades para incorporarse ao mercado de traballo. «Esta é o xeito máis eficaz e efectiva de lograr a súa independencia económica e a súa inclusión social», sinalan.

 

Na análise dos últimos datos do programa de inserción, desde Amigos de Galicia destacan que en Ourense é principalmente o sector hostaleiro o que está a dar máis saída a demandantes estranxeiros, suplindo así o déficit de man de obra nacional. Tamén hai dificultades para atopar traballadores en tarefas estacionais como a vendima, algo que achacan ás condicións económicas que se ofertan e o baixo interese que esperta o sector agrario.

 

 

Novas e Actualidade


Titulares
Histórico


 ACTIVIDADES

Agosto 2022
LMMeXVSD
1234567
891011121314
15161718192021
22232425262728
293031    
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas