(20/06/2022)
Miranda participa na homenaxe á Sociedad Pro Instrucción, Recreo y Auxilio Mutuo San Claudio, da Habana, en Ortigueira
O escritor Vicente Peña, Rodriguez Miranda, Valentín Calvín (portavoz do PP de Ortigueira), Alfredo Dovale (alcalde de Mañón) e Juan Vicente Penabad (alcalde Ortigueira)
Ortigueira (A Coruña), 18 de xuño de 2022.
O secretario xeral de Emigración da Xunta, Antonio Rodríguez Miranda, asistiu hoxe, en Ortigueira, ao acto en recoñecemento á Sociedad Pro Instrucción, Recreo y Auxilio Mutuo San Claudio, da Habana, polo traballo a prol da educación feito polos e polas emigrantes da parroquia ortigueiresa de San Claudio en Cuba a comezos do século pasado, que permitiu a construción do Centro Escolar que leva o seu nome.
Durante esta homenaxe, organizada pola Asociación Centro Cultural Libro Vivo San Claudio, o secretario xeral da Emigración destacou a aposta e o labor pola educación das e dos galegos que emigraron nos séculos XIX e XX de cara a conseguir o progreso de Galicia. No acto descubriuse unha placa en memoria aos fundadores e actuaron o Grupo de gaitas Os Debotos e Marga Lamigueiro Durán.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas