“A poeta analfabeta”, terceiro documental do Ciclo Mestre Mateo nos centros galegos do exterior

Oito centros galegos do exterior proxectaron ao longo deste mes o documental A poeta analfabeta, dentro do Ciclo Mestre Mateo que organiza a Secretaría Xeral da Emigración en colaboración coa Academia Galega do Audiovisual.  

O Instituto Argentino Gallego Santiago Apóstol, o Centro Gallego de Montevideo, a Hermandad Gallega de Venezuela, o Centro Gallego de Madrid, o Centro Galego de Londres, a Asociación Cultural Galega ‘De Berlín Son’, o Lar Gallego de Sevilla e o Centro Galego de Tarragona foron as entidades que organizaron estas proxeccións que teñen unha periodicidade mensual de marzo a decembro (salvo xullo e agosto), de xeito que se poida dar a coñecer, fóra de Galicia, o labor do sector audiovisual galego.