(04/05/2022)
O Pleno do Consello Xeral da Cidadanía Española no Exterior celebrarase os días 14 e 15 de xuño en Madrid
A Dirección Xeral de Migracións fixou para os días 14 e 15 de xuño a celebración do Pleno do Consello Xeral da Cidadanía Española no Exterior (CGCEE) en Madrid no que participarán 43 conselleiros electos de 30 países diferentes, así como os representantes da administración central e autonómica, as asociacións de españois máis representativas e representantes das asociacións empresariais e sindicais.
Crónicas da Emigración
Redacción, Madrid - 04/05/22 -
O secretario de Estado, Javier Perea, acompañado do director xeral de Migracións e o subdirector xeral da Cidadanía Española no Exterior, durante o encontro.
Este I Pleno do VIII Mandato é unha reunión moi esperada, xa que este órgano de representación dos españois no exterior non se reúne desde xuño de 2018. Ademais, contará con moitas caras novas, xa que só repiten 8 dos 43 conselleiros electos no anterior mandato. Tamén se incrementa o peso de Europa, que no anterior Consello estaba representado por 7 países e agora estarao por 12.
Na reunión telemática mantida o pasado 18 de abril entre a Secretaría de Estado de Migracións e os conselleiros electos, a Administración instou os conselleiros que o desexen a postularse para o cargo de presidente e asegurou que o incremento no número de mulleres no Pleno, que pasou de 14 a 20, indicaba que podía ser un bo momento para tentar ter unha presidenta.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas