A nova embaixadora de España en Suíza e Liechtenstein, cuarta pola esquerda, e Manuel Figueroa, xusto no centro e medio agachado, o xoves pola tarde no centro Santiago Apóstol. CENTRO ESPAÑOL

 

A maior concentración de veciños da Costa da Morte máis ao leste do Europa, a dous miles quilómetros, está en Liechtenstein. Posiblemente, tamén de Galicia. Nunha superficie máis ou menos similar á de Forcarei, Rodeiro ou Arzúa, e ademais nunha zona moi concreta deste rico e fermoso Principado, viven preto de 300 veciños entre primeira e segunda xeración procedentes sobre todo de Muxía, Cee ou Mazaricos, que teñen un centro denominado Santiago Apóstol, recentemente estreado e construído coas propias mans dos emigrantes, tras o histórico de Schaan (era público, pero houbo que deixalo; o de agora é privado e non barato), presidido por un muxián e coa xerencia en mans dun corcubionés de adopción. O local está en Bendern, municipio de Gamprin , ao lado do Rin que separa este país de Suíza: un paseo, cruzar unha ponte.

Figueroa, de xeito moi diplomático tamén, pediulle que non se esqueza deles. «¡Embaixadora: ¡Liechtenstein tamén existe!!, díxolle, no sentido de que os teña en conta e de que cando percorran o país e cheguen a Zúric non dean xa a volta cara a Berna, e agradeceulle especialmente a visita. Nuño tamén estivo na empresa Hilcona, que no medio século deu traballo a centenares de veciños da Costa da Morte, e ségueo dando. Nos vellos tempos, tiña un xefe de persoal que acudía cada ano a Muxía a buscar traballadores, contratábaos e pagáballes o billete de ida. Algún, xa xubilado, aínda reside en Liechtenstein, onde chegou hai 48 anos. Hainos máis veteranos, pero moitos regresaron a Galicia, ou faleceron. Ou van e veñen, porque para moitas cousas, relacións familiares sobre todo, este país é como unha parroquia máis da Costa da Morte, un Teruel ou unha Soria de Galicia no medio de Europa.

CENTRO ESPAÑOL