ABELENDA

 

A emigración en Suíza non é o que era, dada a proliferación de medios de transporte regulares (avións, autobuses, taxis, obviamente os vehículos particulares), os de comunicación, e sen dúbida as redes sociais, que permiten a moitas persoas de Galicia ou dalgún dos 26 cantóns helvéticos saber a vida familiar, veciñal e ata o tempo que fai no seu lugar de orixe ou destino antes que os propios residentes nese punto.

Nesa parte das novas iniciativas nace OllarBlick, nome que aúna a visión, o mirar, en galego e en alemán, escollendo este idioma como nexo, como tamén podería ter sido o francés.

OllarBlick é, xa que logo, algo que se crea como un complemento á súa actividade diaria, e que xorde por mor das vivencias de ambos os como fillos de emigrantes, que inclúe «o sentido de pertenza tanto a Galicia coma a Suíza», explica Abelenda. «Residimos durante distintas épocas da nosa vida nos dous países, e sentímonos en parte helvéticos e en parte galegos, tanto cultural como socialmente, unha ligazón que creou non só un proxecto, senón tamén unha gran amizade», engade. Abelenda é de Grixoa de Esternande, e familiarmente vinculado a Coristanco e Carballo, e Teresa é de Castriz, tamén xalleira, na zona limítrofe coa comarca de Bergantiños.

E non todo é web: aquelas persoas que, no canto de quedar coa foto no seu computador ou dispositivo móbil desexen conservalas en cuncas, camisetas, bolsos ou paraugas, entre outros obxectos, poden adquirilas. A cunca como elemento antimorriñento lembra aquela idea de Pinto & Chinto que no seu día entregou La Voz tamén coa vista posta entre Galicia e Suíza. O primeiro punto de venda físico destes obxectos, por certo, acaban de abrilo nunha tenda de Negreira, pero tamén se realizan envíos por mensaxería en caso de interese. Unha mirada múltiple, aderezada con comentarios e achegas de usuarios, ao enorme universo galego-suízo, a dous miles quilómetros pero moi próximo, que segue dando de si no día a día.