(01/04/2022)
01 abr 2022 .
Vitalii Tsesar cumprirá 31 anos o día 29 de abril. Estando o seu país en guerra podería pensarse que pouco ten que celebrar, con todo o home, que chegou A Coruña este mércores xunto a outros 23 refuxiados que viaxaron co Banco de Alimentos Rías Altas desde Rzeszów (Polonia), séntese máis afortunado que nunca por sumar un ano máis. «Grazas a deus a miña familia e eu estamos vivos. Estabamos no teatro de Mariúpol cando foi bombardeado».
No momento do bombardeo, a familia de Vitalii tamén estaba no teatro. «Estaban a miña muller cos meus tres fillos, a miña nai e a miña irmá. Por sorte todos están ben». Despois de saír vivos de alí, todos emprenderon a fuxida de Mariúpol. «Fomos a pé a unha localidade a media hora da miña cidade na que nos recolleu un voluntario, e logo collemos outros dous coches ata Berdiansk. Alí agardamos dous días en fila para poder coller un bus a Zaporiya», relata Vitalii, que engade que sacaron forza para facer todo ese percorrido «polos meus fillos». Unha vez alí, a cidade foi evacuada polas tropas ucraínas e puideron chegar ata a fronteira. «En Leópolis xa collemos o autobús a Polonia . Dixéronnos que había vivendas de acollida en España e non nolo pensamos».
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas