A Xunta habilita unha guía básica de conversación galego-castelán-ucraíno para favorecer a integración de alumnos refuxiados

(29/03/2022)

A Xunta habilita unha guía básica de conversación galego-castelán-ucraíno para favorecer a integración de alumnos refuxiados

La Voz SANTIAGO / LA VOZ

A Consellería de Educación creou unha guía de conversación de galego e castelán ao ucraíno ilustrada con pictogramas

 

En próximos días incorporarase tamén un dicionario básico cun milleiro de palabras, tamén con tradución ao ruso

28 mares 2022 .

A Consellería de Cultura, Educación e Universidade acaba de pór a disposición dos centros educativos un espazo web específico sobre Ucraína con recursos e materiais didácticos para favorecer a adaptación e integración nas aulas de alumnado ucraíno desprazado a Galicia por mor da guerra. Un dos principais elementos é a dotación de ferramentas específicas para a comunicación co resto do alumnado e co profesorado. Para iso está dispoñible unha guía básica de conversación galego-castelán-ucraíno, con pictogramas e a transliteración do ucraíno para fomentar un proceso recíproco en que os galegos saiban pronunciar palabras en ucraíno.

Ao tempo, hai un apartado específico sobre equipamento TIC, de forma que no marco do programa Educa en Dixital, todo alumnno ucraíno que o precise disporá dun computador con conexión á rede: estará configurado para galego, castelán e ucraíno, con adhesivos específicos no teclado para a escritura nesa última lingua.

Todos os materiais foron elaborados con achegas de orientadores e dun grupo de traballo de profesionais do Comité Educativo e da Xunta Autonómica de Directores e de equipos directivos con experiencia previa en acollida de alumnado estranxeiro.