(23/03/2022)
22 mares 2022 .
O Colexio de Avogados de Santiago acordou crear unha quenda específica formada por especialistas en estranxeiría e dereito administrativo para prestar asesoramento xurídico gratuíto aos desprazados ucraínos co gallo da invasión rusa para asesorarlles en todos os trámites que necesiten ao chegar a Galicia, xa sexa a obtención do permiso de residencia ou a solicitude de axudas. «Tomamos esta decisión ante a grave situación que está a vivir Ucraína e a chegada de persoas que foxen da guerra a Santiago e a outros concellos dos partidos xudiciais do noso ámbito territorial», sinala o decano dos letrados, Francisco Rabuñal.
Ademais, o Consello Xeral da Avogacía Española elaborou unha guía para dar a coñecer a información e os pasos necesarios para que os letrados poidan levar a cabo este labor de asesoramento aos desprazados pola invasión de Rusia. «A avogacía ten que demostrar nesta ocasión a súa vocación de servizo á sociedade, dando axuda ás persoas que teñen que irse de Ucraína», engade Rabuñal.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas