(17/03/2022)
REDACCIÓN / LA VOZ
17 mares 2022 .
Fai case trinta anos que Mercedes Gil e outras tres persoas coordinan cada verán a chegada a Galicia de decenas de nenos afectados pola contaminación radioactiva de Chernóbil . «Veñen dous meses a recuperar a súa saúde», conta por teléfono Gil desde a asociación Ledicia Cativa, cuxo programa se interrompeu primeiro polo covid e agora pola guerra. Decidiron que non participarán na acollida dos miles de refuxiados que abandonan Ucraína, como si fixeron pola súa conta familias e particulares viaxando ata a fronteira. «A xente non pode ir pola súa conta e risco, non é recoller plantas. Deben ter permisos e autorizacións, contacto con xente de alá.... Falamos de persoas, non gañado», lembra.
«Vemos que chegan persoas por moitas canles, xente con moitas ganas de axudar e que, ás veces, non coñece ben o procedemento. Nós estamos para que os que chegan poidan estar ben asesorados», continúa Redondo. Son sete as oenegués ou asociacións con experiencia no traballo con refuxiados e que participan no sistema de acollida nun programa financiado polo Ministerio de Inclusión, Seguridade Social e Migracións.
Bolsa de pisos de acollida
Catro días despois dos primeiros bombardeos rusos naceu na Coruña a Asociación Galega de Axuda a Ucraína (AGA), que xestionou o envío dun tráiler con axuda humanitaria ao campo de refuxiados ucraíno de Truskavets e regresou o luns con 25 mulleres e nenos. «Non traemos refuxiados, pero hai familiares e amigos con xente alí. Abrimos unha bolsa de vivendas para acollerlles co compromiso de darlles vivenda e manutención medio ano», responde Antonio Corredoira, un dos fundadores da entidade, que colabora con Accem.
Menos de 2.000 ucraínos
O plan do Goberno é que Galicia absorba a 1.629 ucraínos dos 21.000 que prevé acoller en todo o país, cifra que podería ampliarse. Xunta, Executivo e entidades sociais perfilarán mañá o plan para darlles acubillo e normalizar a súa situación. Por agora, desde o Goberno galego se .. «agradecen todas as mostras de boa vontade», pero pide «acudir ás canles oficiais para garantir a mellor calidade da acollida»
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas