Membros da fundación Mencer de Bergondo en Alemaña con destino Polonia para recoller refuxiados

 

Cun obxectivo claro e coa ilusión de poder colaborar con quen necesita axuda para escapar do horror. Así partiron este luns desde Bergondo catro persoas da fundación Mencer cara a Polonia, que centran a súa actividade en persoas con discapacidade, pero que colaboran ademais en diferentes iniciativas solidarias. «Saímos ás nove da mañá do luns coa idea de chegar á fronteira con Ucrania, este martes», explica Ramón Dourado, da entidade. De momento, non teñen claro o destino exacto: «A oenegé coa que estamos en contacto alá mandaranos a ubicación exacta en canto entremos no país, porque a situación pode cambiar».

A volta, supoñen que será máis lenta, en función das necesidades dos refuxiados: «Condicionaranos un pouco a súa situación. Traeremos a doce, para oito xa se ofreceron vivendas en Corme, a través da asociación de veciños, e o resto penso que tamén os poderán ubicar e senón buscaremos un piso en aluguer para eles. Por iso non hai problema, buscaremos solución». Para facilitar a súa comunicación cos ucraínos, á súa chegada a oenegué coa que coordinan a recollida ofrécelles a unha interprete. «É fundamental para nós porque eles non falan español e senón non nos entenderemos».A primeira hora deste martes desde a oenegué avisáronlles de que a recollida será o xoves pola mañá. «A idea é hoxe chegar a Cracovia para estar a unha hora ou dúas do destino final».