(09/03/2022)
OURENSE
08 mares 2022 .
Priya Ghosh chegou desde Bengala (India) a Ourense hai dous anos. Titulouse en Traballo Social no seu país de orixe pero non quería seguir o camiño habitual para a maioría dos seus compatriotas, incluso as universitarias. «A situación da muller na India non é a desexable.Todas as miñas amigas están casadas e coidando aos seus fillos como amas de casa. Eu quería algo diferente, por iso emigrei a España», explica. Hoxe está a estudar no campus de Ourense, cursa o máster en Intervención Multidisciplinar na Diversidade en Contextos Educativos. Priya Ghosh contou co apoio do seu propio marido e tamén dun profesor da Universidade de Vigo que visitaba con frecuencia o centro universitario internacional Visva-Bharatien no que ela estudaba para empezar a súa aventura persoal en Ourense. «Aquí atopei máis liberdade e apertura mental e moitas vantaxes para poder estudar», narra a que se converteu, ademais en primeira embaixadora de proxecto europeo Worldplaces que traballa na integración laboral das mulleres migrantes e no que participa o campus ourensán a través dun grupo multidisciplinar de persoal docente e investigadores da Universidade de Vigo.
«Estou moi feliz de ser embaixadora do proxecto Worldplaces-Workplaces Working with Migrant Women e poder axudar á integración doutras mulleres migrantes», di. O proxecto, no que participan tamén institucións de Grecia, Alemaña, Portugal, Bélxica, Italia e Austria, ten como obxectivo crear unha rede local permanente e sostible, na que participen tanto entidades públicas como o sector privado para favorecer a integración de mulleres inmigrantes que habitualmente sofren unha dobre discriminación, xa que á derivada do xénero sumar a súa condición de estranxeiras.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas