GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Inclusión implementa xunto a ACNUR o Protocolo de actuación sobre violencia de xénero no sistema de acollida

(23/02/2022)

Inclusión implementa xunto a ACNUR o Protocolo de actuación sobre violencia de xénero no sistema de acollida



ministro


Ministerio de Inclusión, Seguridade Social e Migracións
23/02/2022


-Este protocolo foi aprobado en xuño por Inclusión e impleméntase agora nos centros de refuxiados coa colaboración de ACNUR

-Establécense así pautas claras de actuación ante casos de violencia de xénero e créase un grupo especializado de seguimento desta iniciativa


O Ministerio de Inclusión, Seguridade Social e Migracións puxo en marcha, en colaboración con ACNUR, a implementación do Protocolo de actuación ante a violencia contra as mulleres no sistema de acollida de Protección Internacional. Esta iniciativa ten por obxectivo reforzar a prevención, mitigación de riscos e dar resposta ante a violencia de xénero, en liña coas recomendacións internacionais e o establecido na Directiva Europea de Acollida a persoas solicitantes de asilo.

O pasado 20 de xuño, Día Mundial do Refuxiado, o secretario de Estado de Migracións, Jesús J. Perea, anunciou a posta en marcha deste Protocolo do Ministerio de Inclusión, Seguridade Social e Migracións en materia de detección, protección e seguimento das vítimas de violencia de xénero nos centros de acollida do Goberno.

Onte martes, a directora xeral de Programas de Protección Internacional e Axuda Humanitaria do Ministerio de Inclusión, Miriam Benterrak, e a representante do Alto Comisionado das Nacións Unidas (ACNUR) en España, Sophie Muller, presentaron o proxecto de aplicación do Protocolo ante profesionais de centros e entidades que traballan na acollida e integración de persoas solicitantes de asilo e refuxiadas en España. Estes profesionais de referencia en temas de xénero formarán parte do grupo de traballo que se constituíu, con vocación de continuidade e como forza motriz, para o desenvolvemento do proxecto ao longo dos próximos meses.

Benterrak sinalou a importancia de establecer pautas claras de actuación, a través de protocolos como o aprobado no mes de xuño de 2021, especialmente ante situacións tan graves e diversas como as que presenta a violencia contra as mulleres e, en particular, a violencia de xénero.

Sobre a aplicación do protocolo, puxo de manifesto a necesidade de realizar un proceso de intercambio e formación, “que nos permita coñecer e avaliar as diferentes situacións que podemos atoparnos e traballar sobre a maneira de abordalas, coa finalidade de garantir a eficacia na aplicación destas pautas”. Así mesmo, incidiu no valor engadido do apoio de ACNUR na aplicación do Protocolo e da disposición das entidades e centros nos que se aplica.

Pola súa banda, Sophie Muller agradeceu a aposta do Goberno por impulsar a implementación deste Protocolo que considera importante e necesario, e pon a disposición o seu equipo para apoiar a súa implementación desde a experiencia coa que conta a Axencia da ONU para os Refuxiados. “Sabemos que o traballo en rede e a coordinación son esenciais neste ámbito e non só é unha gran sorte senón que é fundamental contar co compromiso de todas estas entidades para cumprir conxuntamente este obxectivo de protección”, engadiu a Representante de ACNUR en España.

 

 

Novas e Actualidade


Titulares
Histórico


 ACTIVIDADES

Outubro 2022
LMMeXVSD
     12
3456789
10111213141516
17181920212223
24252627282930
31      



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas