GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

O próximo 9 de xullo celebrarase o VI Día da Galicia Exterior en Santiago de Compostela

(23/02/2022)

O próximo 9 de xullo celebrarase o VI Día da Galicia Exterior en Santiago de Compostela

O secretario xeral da Emigración, Antonio Rodríguez Miranda, trasladou a data a tódolos centros galegos do mundo animándoos a participar nunha cita lúdica e festiva que se agarda “histórica”.

 

Esta xornada telemática foi seguida por máis de 150 representantes dos galegos e galegas nos diversos países de América e Europa, así como das diferentes comunidades autónomas.

 

Antonio Rodríguez Miranda, durante a videoconferencia na que anunciou a data da celebración do VI Día da Galicia Exterior

Antonio Rodríguez Miranda, durante a videoconferencia na que anunciou a data da celebración do VI Día da Galicia Exterior

 

Listen to this page using ReadSpeaker
 

Santiago de Compostela, 23 de febreiro de 2022.

 

O secretario xeral da Emigración, Antonio Rodríguez Miranda, anunciou esta tarde, a través dunha reunión telemática, a tódolos centros galegos do mundo a data de celebración do VI Día da Galicia Exterior, que terá lugar o próximo 9 de xullo en Santiago de Compostela.

 

Neste encontro estiveron tamén presentes o delegado da Xunta na Arxentina e Uruguai, Alejandro López Dobarro, así como os subdirectores de Coordinación Administrativa e de Relacións coas Comunidades Galegas, Antonio Casas e Isabel Martínez Pellicer, así como o xefe do Servizo de Promoción das Entidades Galegas, José Iglesias de la Fuente. Esta videoconferencia foi seguida por máis de 150 representantes dos galegos e galegas do exterior, así como tamén polos traballadores e traballadoras das Delegacións da Xunta en Arxentina e Uruguai e polas e polos funcionarios da Secretaría Xeral da Emigración.  

 

Esta é a gran celebración coa que Galicia homenaxea ás galegas e galegos do exterior no Ano Santo, convidando a todas e todos eles a participar nunha xornada lúdica e festiva de convivencia, que se agarda sexa “histórica”.

 

A celebración do VI Día da Galicia Exterior terá lugar, como é habitual, en Ano Santo. O pasado 2021 tivo que ser adiada a causa da pandemia, aproveitando a ampliación da festividade a 2022, e de cara a poder garantir a presenza en Compostela do maior número de representantes das agrupacións culturais das entidades galegas do exterior durante esa xornada.

 

Agárdase que, como en edicións anteriores, e se a situación sanitaria o permite, moitas e moitos miles de galegos afincados en diferentes países de América e Europa, así como das diferentes comunidades españolas, poidan compartir e celebrar a cultura galega ese día e reencontrarse coas súas orixes. No evento tamén participarán as e os peregrinos e turistas que enchan as rúas ese día, no que se poderán ver diferentes agrupacións culturais de baile e música galega por todo o casco vello compostelán, mostrando así o traballo continúo que se fai pola tradición galega en distintos recunchos do planeta. 

 

“Desexamos contar con tódolos nosos galegos do exterior nesa data, porque supón un recoñecemento importante a quen, na distancia, mantén a tradición de Galicia en todo o mundo”, explicou Rodríguez Miranda. “A situación da pandemia que vivimos estes últimos anos impediu que se puidera celebrar este día o pasado 2021, pero este ano agardamos que todo sexa moi diferente e que se converta nunha auténtica festa en tódolos sentidos, de confraternidade e celebración das nosas raíces e de volver a sentirnos preto uns de outros”.

 

 

Novas e Actualidade


Titulares
Histórico


 ACTIVIDADES

Outubro 2022
LMMeXVSD
     12
3456789
10111213141516
17181920212223
24252627282930
31      



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas