O Foro Galego de Inmigración evita a expulsión inminente dunha veciña de Santiago de orixe kurda

(18/02/2022)

O Foro Galego de Inmigración evita a expulsión inminente dunha veciña de Santiago de orixe kurda

Emma Araújo SANTIAGO / LA VOZ

A muller recibiu a carta de arraigamento pouco antes de que o avión no que ía ser expulsada despegase de Barajas

18 feb 2022 .

Unha muller de orixe kurda que leva máis de dez anos vivindo en Santiago e que desde facía tempo estaba a intentar regularizar a súa situación evitou o pasado mércores a súa expulsión grazas ao Foro Galego de Inmigración , que un día antes tivo coñecemento da súa situación polo que organizou unha protesta fronte á comisaría para denunciar o ocorrido.

A muller coñeceu a noticia pouco tempo antes de embarcar, xa que se atopaba no aeroporto de Barajas , custodiada pola Policía Nacional para facer efectiva a orde de expulsión que pesaba sobre ela.