Imaxe da reunión celebrada na sede da SXE en Santiago de Compostela
Santiago de Compostela, 14 de febreiro de 2022.
O secretario xeral da Emigración, Antonio Rodríguez Miranda, mantivo hoxe unha reunión cos representantes da Federación Galega de Asociacións Universitarias Séniors, Fegaus, cos que analizou a colaboración desta institución nun proxecto que permitirá acercar temas de interese xeral sobre a comunidade autónoma a tódolos galegos e galegas do exterior de xeito telemático.
Deste xeito, esta proposta ten como obxectivo ser un fío condutor que axude a valorar ás e aos galegos residentes noutros países a cultura, idioma e costumes galegos así como achegarlles a información necesaria para o seu posible retorno e para ofrecer servizos relativos a ocio, cultura, educación ou formación en Galicia.